Ўзбекистон ва Қозоғистон томони М-39 йўлининг Қозоғистондан ўтадиган қисми таъмирини шу ой охиригача тугатишга келишиб олган.
Бу хақда Sputnik нашри Қозоғистоннинг Ўзбекистондаги элчиси Ерик Ўтембаевга таяниб, хабар қилди.
Элчига кўра, ҳозир икки мамлакатнинг чегарадан ўтказиш постлари белгиланган ва улардан иккитаси туну-кун ишлайдиган тартибга ўтказилган.
"Постлардан иккитаси туну-кун ишлаш тартибига ўтказилган. Асосийси, Ўзбекистон фуқароларига Қозоғистон чегарасидан ўтиш жараёни осонлаштирилди. Қозоғистон ҳудудига киришда Ўзбекистон фуқаролари миграция карточкалари тўлдиради, чиқишда эса уни топширади. Паспортларга штамп қўйилмайди, ҳеч қандай тўлов олинмайди", дея элчидан иқтибос келтиради Sputnik нашри.
М-39 йўлининг Қозоғистондан ўтган қисми 2006 йилда беркитилган эди.