Оқ Уй президент Дональд Трамп Россияга оккупация қилинган Қрим ҳудуди Украинага қайтарилиши шартлиги ва Украина шарқидаги қуролланган айримачиларни қўллаб-қувватлаш тўхтатилиши шарт экани тўғрисида очиқ ишорат берди, деб баёнот тарқатди.
14 февраль куни матбуот анжуманида бу ҳақда гапирган Оқ уй матбуот котиби Шон Спайсер: "АҚШ президенти Трамп Россия Украинадаги зўравонликлар бартараф этилиши учун Қримни қайтариши шарт эканига очиқ ишорат берди” деб билдирди.
Бундан олдинроқ АҚШнинг БМТдаги элчиси Никки Хэлли БМТ Хавфсизлик кенгашининг 3 февралдаги йиғилишида “Қрим Украинанинг бир қисми ҳисобланади” ва Қрим қайтарилмагунига қадар Россияга нисбатан санкциялар бекор қилинмайди, деб баёнот берган эди.
Оқ уй матбуот котибининг баёноти Америка конгресси ва жамиятида Трамп Россияга нисбатан юмшоқ сиёсат олиб бориши мумкинлиги ташвишларга сабаб бўлаётган пайтда қилинди.