Президент Дональд Трамп НАТО иттифоқчилари жорий йил охиригача мудофаа учун мақсадли ҳаражатларни кўпайтиришига эришмоқчи. Бу ҳақда Брюсселда НАТО бош котиби Йенс Столтенберг билан учрашувдан сўнг АҚШ вице президенти Майк Пенс журналистларга маълум қилди.
"Америка ўз ҳиссасини қўшишда давом этади. Бироқ Европа мудофааси энг аввало Европанинг кўпроқ иштирокини талаб қилади. НАТОнинг Уэлсда 2014 йилда ўтган саммитида ташкилотнинг барча 28 аъзоси кейинги ўн йил ичида хавфсизликка ётқизилаётган сармоялар миқдорини ялпи ички маҳсулотнинг 2 фоизи даражасига етказишга келишиб олган. Трамп президентликка номзодлик давомида бу масалага бир неча марта эътибор қаратди ва НАТО ҳаражатлари иттифоқчиларимиз ўртасида адолатли равишда бўлиштирилмаётганини ва бунга нуқта қўйиш кераклигини таъкидлади”, -деди Пенс.
Айни пайтда АҚШ вице-президенти Вашингтон Европадаги иттифоқчилари олдидаги мажбуриятларида собит эканини билдирди.
“Биз Европадаги давлатларнинг суеренитети ва ҳудудий яҳлитлигини ҳимоя қилишда қатъиймиз”, деди Пенс.
Европа Кенгаши раиси Дональд Туск эса Майк Пенс билан учрашувдан сўнг Европа Иттифоқи Трамп маъмуриятидан барқарор қўллов кутаётганини маълум қилди.
Туснинг айтишича, Европа Иттифоқи “аввалари бўлгани каби” “яҳлит Европа ғоясини қўллаб-қувватланишида” Вашингтонгга таянишда давом этади.