Эронда Ислом Республикаси асосчиларидан бири Ҳусайн Али Мунтазарининг ўғли Аҳмад Мунтазари суд томонидан белгиланган жазони ўташ учун қамоққа олинди.
60 ёшли уламо Аҳмад Мунтазари ўтган йилнинг ноябрида 21 йиллик қамоқ жазосига ҳукм қилинган эди. Бироқ кейинроқ унга нисбатан ҳукм юмшатилиб, 6 йилга озодликдан маҳрум қилинган.
У оятуллоҳ Руҳолло Ҳомейнига қарши чиққан отаси Ҳусайн Али Мунтазарининг 1988 йилда оятуллоҳ кўрсатмаси билан сиёсийй маҳбусларнинг оммавий қатл қилинишига қарши сўзлаган нутқи аудиосини жамоатчиликка ошкор қилганлик орқали миллий хавфсизликка путр етказганликда айбланмоқда.
Amnesty International ташкилоти маълумотига қараганда, ўшанда Эронда 5 мингга яқин сиёсий маҳбус қатл қилинган.