Россия ва Хитой БМТ Хавфсизлик кенгашининг кимёвий қурол билан ҳужум уюштирганлиги учун Сурияга санкциялар жорий этиш тўғрисидаги резолюцияси қабул қилинишини тўхтатиб қўйди.
АҚШнинг БМТдаги элчиси Никки Хейли бу воқеани шарҳлар экан:
"Россия ва Хитой бугун кечириб бўлмайдиган танловни амалга оширди. Улар кимёвий қурол қўллаган Башар Ассад режимини жавобгарликка тортишдан бош тортишди”, деб билдирди.
Британиянинг БМТдаги элчиси Мэтью Райкфорд: "Россия ва Хитой ўз ҳаракати билан жаҳон жамоатчилигининг БМТга бўлган ишончини йўқотди”, деб айтди.
БМТ хавфсизлик кенгаши резолюцияси кенгаш аъзоларининг барчаси рози бўлсагина қабул қилинади.
28 февраль куни Бишкекка борган президент Владимир Путин ҳам ҳамкасби Албазбек Атамбаев билан учрашувдан сўнг ўтказилган матбуот анжуманида Россия Сурияга нисбатан санкцияларни қўллаб-қувватламаслигини, санкцияларнинг жорий этилиши Сурия ҳукумати ва мухолифати ўртасидаги тинчлик музокаралари жараёнига ҳалақит қилишини айтган эди.