Қозоғистон Президенти Нурсултон Назарбоев бугун парламент қабул қилган Конституцияга ўзгартишлар киритиш тўғрисидаги қонун лойиҳасини Конституциявий Кенгашга жўнатди.
“Нурсултон Назарбоев Конституциянинг 72- моддасига биноан мазкур қонуннинг Конституцияда белгилаб қўйилган қадриятларга, давлат фаолиятининг асосий принциплари ва шаклига мослиги масаласини кўриб чиқиш учун Конституциявий Кенгашга жўнатди”, дейилади Президент маъмуриятининг расмий сайтида.
Қозоғистон парламенти муҳокамасига 3 март куни тақдим этилган Конституцияга ўзгартишлар киритиш тўғрисидаги қонун лойиҳасини парламент бугун 3- ўқишда қабул қилди.
Лойиҳа муаллифлари Асосий қонуннинг 19 та моддасига 26 та ўзгартиш киритишни таклиф қилган.
Айтилишича, бу ўзгартишлардан мақсад Президентнинг қатор ваколатларини Ҳукумат ва Парламентга ўтказиб беришдир.