Кремлда Россия президенти Владимир Путиннинг Туркия президенти Ражаб Тойиб Эрдўғон билан сўзлашувлари бошланди.
Учрашув бошида Путин Москва-Анқара алоқалари жадал суръатлар билан мустаҳкамланаётгани тўғрисида баёнот берди.
Хабарларга кўра, икки давлат раҳбари ҳамкорлик ва “Турк оқими” газ қувури ҳамда “Оққуюв” атом электр станцияси қурилишини муҳокама қилади.
Учрашув натижалари бўйича бир қатор икки томонлама ҳужжатлар имзоланиши кутилмоқда. Сурия можаросини бартараф этиш масалалари ҳам муҳокама қилиниши айтилди.
Россия ва Туркия раҳбарларининг сўнгги учрашуви ўтган йилнинг октябрида бўлиб ўтган эди.
2016 йилнинг январидан Россия Туркиянинг мева-сабзавотини ҳамда гўштнинг баъзи турларини импорт қилишни тўхтатиб қўйган эди. Октябрдаги учрашувдан сўнг Россия эмбаргони қисман бекор қилган.