Европа тикланиш ва тараққиёт банки Ўзбекистода асосан кичик ва ўрта бизнесни ривожлантириш, банк –молия ва инфраструктураларни рвиожлантириш каби лойиҳаларни биринчи навбатда қўллаб-қувватлайди.
16 март куни банк президенти Сума Чакрабарти президент Мирзиёев билан Тошкентда ўтган учрашуви чоғида мана шу ҳақда билдирди.
ЎзАнинг хабар беришича, мазкур учрашувда келажакдаги ҳамкорлик дастурини тайёрлаш масаласи муҳокама қилинган.
Олий Мажлис Сенатида, Вазирлар маҳкамаси ва бошқа вазирликларда ўтган учрашувлардан келиб чиқиб Ўзбекистон ва банк ўртасида ўзаро ҳамкорлик меморандуми ва Атроф-муҳитни ҳимоя қилишга техник ёрдам кўрсатиш лойиҳасини амалга ошириш бўйича келишув имзоланди.
Банк президенти Сума Чакрабарти ва банкнинг 10 кишилик делегацияси 15 март куни Тошкентга келган эди.
Ўзбекистон Европа тикланиш ва тараққиёт банкига 1992 йилда аъзо бўлган. Банк15 йил давомида Ўзбекистонга 1 миллиард доллардан кўпроқ сармоя киритди.