Ўзбекистон президенти Шавкат Мирзиёев пойтахтнинг Юнусобод туманидаги "Увайсий" номли маҳаллага бориб, аҳоли билан суҳбатлашди.
ЎзА агентлигининг хабар қилишича, президент у ерда фуқаролар йиғини ходимлари, профилактика инспектори ва аҳоли учун яратилган шароитлар билан танишган.
"Давлатимиз раҳбари профилактика инспектори маҳалладаги ҳар бир хонадон билан яқин мулоқот ўрнатиши, кўчалар ва жамоат жойларини қатъий назоратга олиши зарурлигини таъкидлади", деб хабар қилди агентлик.
25 март куни президент пойтахтнинг Юнусобод туманида қуриб битирилган янги кўприкни очиб берди.
Тошкент метросининг Новза бекати чорраҳасида барпо этилган янги автомобиль кўпригининг узунлиги 900 метрни, эни 24 метрни ташкил этади.
Унга параллел равишда иккита, ҳар бири 131 метрлик пиёдалар учун мўлжалланган усти ёпиқ ер усти кўприги ҳам барпо этилди.