Қозоғистон президенти Нурсултон Назарбоев соқол қўйган ва калта шим кийган шахсларни танқид қилиб, бундай ҳолатни қонун доирасида тақиқлашни таклиф қилди.
19 апрель куни Остонада Қозоғистон муфтийси билан учрашган Назарбоев: “Ёшларимиз соқол ўстириб, шимларини қисқартириб олишаяпти. Қора либосга бурканган қизлар кўпайди. Бу бизнинг урф-одатларимиз ва халқимизга ёт бўлган кўриниш. Бунга қонун доирасида тақиқ жорий этиш масаласини кўриб чиқиш лозим”, - деб айтди.
Учрашув чоғида Назарбоев Қозоғистон учун Исломнинг Ханафий мазғаби асосий дин эканини алоҳида таъкидлади.
Қозоғистон расмийлари мамлакатда салафийлик ва ваҳобийлик оқимлари ривожланиб бораётганидан ташвиш билдириб келмоқда.