Ўзбекистон Меҳнат вазири Азиз Абдуҳакимов мамлакатдаги Корея Республикаси элчиси Квон Ëн У билан учрашиб¸ ўзбекистонликларни Кореяга ишга юбориш жараëнидаги саралаш механизмини муҳокама қилди. Бу ҳақда вазирлик хабар тарқатди.
Учрашувда кўриб чиқилган таклифлар орасида¸ ҳар бир вилоятга квота ажратиш масаласининг ҳам бўлгани айтилмоқда.
Корея элчиси ўз мамлакатига ишга кетувчиларни танлаш жараëнининг очиқ ва шаффоф бўлиши¸ бу жараëн устидан жамоатчилик назорати ўрнатилишидан манфаатдор эканини таъкидлаган.
Март ойининг сўнгги кунлари¸ апрелнинг биринчи уч кунида Кореяга ишга кетиш учун рўйхатга олинганларни дастлабки онлайн тестдан ўтказиш жараëнидаги жиддий камчилик ва техник хатолар ортидан Меҳнат вазирлиги қошидаги Ташқи миграция масалалари агентлиги раҳбари ишдан кетди.
Бу тест ташкил этилишига билдирилган кескин норозилик ва шикоятлар муносабати билан рўйхатга олиш ва тест натижалари бутунлай бекор қилинди.
Ҳозирча янги жараëннинг қачон бошланиши ва унинг қайси мезонларда ўтказилиши жамоатчиликка эълон қилинмади - агентликнинг расмий сайти ишламаяпти.