Бугун дунёнинг кўп давлатларида Меҳнаткашларнинг халқаро бирдамлик куни иншонланмоқда. Айрим давлатларда 1 май дам олиш куни ҳисобланади.
АҚШда 1886 йилнинг 1 майида ишчилар 8 соатлик иш куни ўрнатиш талаби билан намойишга чиққан эди. Бу намойиш полиция томонидан куч билан бостирилган.
1889 йилда Меҳнаткашларнинг Иккинчи Интернационал иттифоқининг Париж конгресси қарори билан 1 май Мехнаткашларнинг халқаро бирдамлик куни сифатида эълон қилинди.
1890 йилда биринчи марта Бельгия, Франция, Германия, АҚШ, Дания, Испания ва бошқа қатор давлатларда 1 май куни меҳнаткашлар оммавий равишда намойишга чиқиб, 8 соатлик иш куни ўрнатилишини талаб қилдилар.
Мазкур кун дунёнинг юзга яқин мамлакатида байрам қилинади.