Афғонистоннинг Ҳирот шаҳридаги Жума масжиди ва полиция биноси яқинида бомба портлатилгани оқибатида ўнга яқин одам ҳалок бўлди.
-Портлаш Ҳирот бош масжидининг шимолий дарвозаси олдида содир этилди. Бомба автомобил тўхташ жойида турган рикшага ўрнатилган экан. Ибодат пайтида масжидга кўп одам келган эди. Портлаш оқибатида 7 киши ҳалок бўлди, 16 киши яраланди, - деб билдирди 6 июнь куни Ҳирот полицияси раҳбари генерал Муҳаммад Аюб Ансарий.
Портлаш учун масъулиятини ҳозирча ҳеч бир террор гуруҳи ўз зиммасига олгани йўқ.
Толибон бу портлашларга алоқадор эмаслиги ҳақида расман баёнот берди.