Оқ Уй президент Дональд Трамп 7 июлда Германиянинг Гамбург шаҳрида ўтган "Катта йигирматалик" саммитида президент Путин билан бир марта эмас, икки марта учрашганини маълум қилди.
Оқ Уй баёнотида айтилишича, иккинчи учрашув норасмий вазиятда ўтгани учун бу ҳақда жамоатчяиликка маълумот берилган эмас.
Оқ Уй расмйсининг 18 июль куни CNN телеканалига тасдиқлашича, норасмий учрашув саммитга келган давлат раҳбарлари шарафига берилган зиёфат пайтида бўлиб ўтган. Унда саммитга келган давлат раҳбарлари, уларнинг рафиқалари ва таржимонлар қатнашган.
Мазкур норасмий учрашувга биринчи бўлиб жамоатчилик эътиборини америкалик машҳур сиёсатшунос Иан Бреммер қаратди.
Унга кўра, Путин ва Трампнинг норасмий учрашуви 1 соат давом этган. Суҳбатни Путиннинг таржимони таржима қилиб турган.
Сиёсатшуносга кўра, бу протоколнинг қўпол тарзда бузилишидир. Норасмий учрашувда Трампдан ташқари Оқ Уйнинг бошқа вакиллари иштирок этмаган.