АҚШ президенти Дональд Трамп 13 август куни Шарлотсвилл шаҳридаги тўқнашувларда иштирок этган экстремистларни қоралади.
Трамп ўз баёнотида оқ ирқчилар ва неонацистлар ҳақида гапиргани йўқ. У тартибсизликларда “кўп томонларни” айблади.
- Рангимиз, диний эътиқодимиз, сиёсий нуқтаи назаримиздан қатъий назар биринчи навбатда биз барчамиз америкаликмиз. Биз ўз мамлакатимизни севамиз, биз Худони севамиз, биз байроғимизни севамиз, ўз мамлакатимиз билан фахрланамиз. Шунинг учун Шарлоттсвиллдаги вазият барқарорлашувини истаймиз, -деган Дональд Трамп, америкаликлар бир-бирларини ҳурмат қилишлари шартлигини таъкидлади.
12 август куни Шарлотсвиллда оқ ирқчилар билан ўнг қанот фаоллар ва уларга қаршилар ўтказган намойиш иштирокчиларига автомобиль билан ҳужум қилинган эди.
Ҳужум натижасида бир аёл ҳалок бўлди, 19 одам жароҳатланди. Намойишчилар устига автомобиль билан бостириб борган 20 яшар Жеймс Алекс Филдс қўлга олиниб, унга қарши иш очилди.
Шаҳарда фавқулодда вазият эълон қилиниб, хавфсизликни таъминлаш учун Миллий гвардия аскарлари сафарбар қилинди.