Ҳиндистонда зўрланган 10 ёшли қиз 17 август куни фарзандли бўлди. Аввалроқ Ҳиндистон Олий суди қизга аборот қилишга рухсат бермаган эди.
Жарроҳлик амалиёти орқали дунёга келган қиз чақалоқнинг оғирлиги икки ярим кило экани хабар қилинди. Бу воқеа Ҳиндистон шимолидаги Чандигарх шаҳрида юз берди.
Расмий манбалар 35 ҳафталигида туғилган чақалоқ ва унинг онаси саломатлиги қониқарли эканини билдирмоқда.
Ўн ёшли қизалоқ ўзининг она бўлишини тушунмаган. Касалхонада унга қорнидаги оғриқни бартараф этиш учун жарроҳлик амалиёти ўтказилишини айтганлар.
Қизнинг хоиимладор экани бир ой олдин маълум бўлган. У қорнидаги оғриқдан шикоят қилгани ортидан касалхонага келтирилганида ҳомиладор экани аниқланган.
Ҳингдистон матбуотининг билдиришича, қизалоқ билан унинг тоғаси жинсий алоқа қилиб келган. Айни пайтда қизнинг тоғаси қамоққа олинган.