Ўзбек карикатурачиси Маҳмуджон Эшонқулов Бразилияда бўлиб ўтган Piracicaba 2017 халқаро юмор фестивалининг Tira мукофоти соҳиби бўлди:
- Бу юмористик кўргазма Бразилияда ҳар йили ўтказилади. Менга май ойида таклиф келганидан кейин¸ расмларимни юборган эдим. Шулардан биттаси комикс жанрида ғолиб деб топилибди¸ бундан ўзим ҳам жуда хурсандман. Бу узоқ йиллардан бери бўлиб келаëтган нуфузли халқаро кўргазмадир¸ дейди Озодлик билан суҳбатда Эшонқулов.
58 яшар фарғоналик карикатурачи бундан олдин ҳам кўплаб халқаро карикатура танловларида ғолиб деб топилган.
Маҳмуджон Эшонқулов “Дунёнинг 100 та буюк карикатурачи рассоми” рўйхатига киритилган ижодкорлардан бири.
Ўз фаолиятини “Муштум” журналида бошлаган Эшонқулов¸ Ўзбекистон Республикасининг “Дўстлик ордени” соҳиби ҳам.