Ўзбекистон делегацияси шу йил 13 октябридан 15 октябригача АҚШ пойтахти Вашингтонда бўлиб ўтадиган Жаҳон банки гуруҳи ва Халқаро валюта жамғармаси бошқарувчилар кенгашининг навбатдаги мажлисида иштирок этади.
Ўзбекистон Ташқи ишлар вазирлиги хабарномасига кўра, делегация таркибига Ўзбекистон Республикаси Бош вазирининг ўринбосари Жамшид Қўчқоров ва Марказий банк раиси Мамаризо Нурмуротовлар кирган.
Мазкур йиғилишда, Ўзбекистон ТИВ хабарига кўра, “йиллик ҳисобот ва келгуси йил учун бюджетни тасдиқлаш, шунингдек, халқаро иқтисодий ривожланиш ва молиявий фаолиятга доир кенг кўламли масалаларни муҳокама қилиш режалаштирилган”.