Қирғизистон жорий йил декабридан 2018 йил мартигача электр энергияси етказиб бериш бўйича Ўзбекистон билан шартнома имзолади. Бу ҳақда “Миллий энергетик холдинг компанияси” ОАЖ раёсати раиси Айбек Қалиев 17 октябрь куни Бишкекда ўтказилган матбуот анжуманида маълум қилди.
Ca-news сайтининг Қалиев сўзларига иқтибосан ёзишича, Қирғизистон Ўзбекистонга 550 млн кВт/соат электр энергияси экспорт қилиш ниятида.
1 кВт/соатига 2,4 центдан нарх белгилангани эътиборга олинса, Ўзбекистон бу шартнома бўйича Қирғизистонга 13 млн 200 минг доллар пул тўлади маълум бўлади.
Аввалроқ Қирғизистон Ўзбекистонга 2 центдан 1,25 млрд кВт/соат электр энергияси сотиш бўйича шартнома имзолагани билдирилганди. Бу қирғиз энергетикларининг жорий йилда ўзбекистонлик ҳамкасблари билан имзолаган иккинчи шартномаларидир.