АҚШ Давлат котиби Рекс Тиллерсон эронпараст жангариларнинг уйга қайтиш ҳамда Ироқ халқига вазият устидан назоратни тиклашга имкон бериш вақти келди, дея бирдирди. Эронпараст кучлар “Ислом давлати” экстремистик гуруҳига қарши жангларда иштирок этганлар.
“[Ислом давлатига қарши] кураш охирлаб борар экан, Ироқда бўлган эрон жангарилари эндиликда уйларига қайтишлари зарур”, деди Тиллерсон 22 октябрь куни Риёдда қилган чиқишида.
Саудий Арабистони Тиллерсоннинг шанба куни бошланган 6 кунлик сафаридаги биринчи давлатдир. Риёддан сўнгра АҚШ Давлат котиби Қатар, Покистон ва Ҳиндистонга боради.
Тиллерсоннинг Форс кўрфазига сафари АҚШ президенти Дональд Трампнинг Эронни Яқин шарқ ва унинг хорижида тийиб туриш бўйича уринишлари доирасида бўлиб ўтмоқда.
Эронпараст жангарилар АҚШ томонидан дастакланган Ироқ ҳукуматининг ИДни мамлакатдан сиқиб чиқариш уринишларида асосий ролни ўйнаганлар.