Туркия президенти Режеп Таййип Эрдўғон ўз ҳукуматининг Россиядан ракеталарга қарши мудофаа тизими сотиб олиш қарори қатъий эканини яна бир бор такрорлади:
- Туркия ва Россия ўртасидаги муносабатлар янги¸ кучли даражага кўтарилганидан мамнунмиз. Биз Туркия ва Россиянинг мудофаа соҳасида қўядиган биргаликдаги қадамларига жиддий эътибор билан қараймиз¸ деди 13 ноябрь куни Сочида президент Путин билан учрашган Эрдўғон.
Туркия Россия ҳукумати билан қуруқлик-ҳаво русумидаги S-400 ракета тизими сотиб олишга оид келишув имзолади. НАТО мудофаа тизимига интеграция бўлмайдиган Россия ракеталарининг НАТО аъзоси томонидан сотиб олиниши иттифоқчилар ўртасида хавотир уйғотди.
Туркия 2 миллиард долларлик ракета савдосининг амалга ошишини таъкидлаëтган бўлса-да¸ бу ракеталарнинг икки йилдан кейин етказиб берилиши кутилмоқда.
Эрдўғон ва Путин Сочидаги сўзлашувларни “самарали” деб баҳолади. Бу учрашувда Суриядаги урушга барҳам беришга қаратилган Остона тинчлик музокараларида эришилган келишувлар муҳокама қилинган.