Коинотни ўзлаштириш пионерларидан бири бўлган америкалик фазогир Жон Янг АҚШда 87 ёшида вафот этди.
Янг уч авлод фазо кемалари - "Жемини", "Аполлон" ва "Спейс-шаттл"да коинотга учган яккаю-ягона одамдир. Шунингдек, у космосга 6 марта парвоз қилган энг биринчи фазогирдир.
Жон Янг "Аполлон 16" кемасида ой сатҳига чиққан фазогирлардан биридир. У ойга икки марта сафар қилган.
Уни жаҳонда “барча фазогирларнинг фазогири” деб аташар эди. Жон Янг жаҳонда энг узоқ умр кўрган фазогир бўлди, деб билдирилди НАСА расмий баёнотида.