Тошкент шаҳрининг Сергели туманида спорт сумкасига солиб, кўчага ташлаб кетилган янги туғилган чақалоқ топилди.
Ички ишлар вазирлигининг Жамоатчилик ва оммавий ахборот воситалари билан алоқалар бошқармаси хабарига кўра, чақалоқ 27 январь куни соат 14:00ларда Сергелининг Лутфикор кўчаси 4-тор кўча яқинида топилган.
Ушбу кўчада яшовчи фуқаро чақалоқни топиб олиб, ИИБга хабар қилган.
Ҳозирда чақалоқ шифохонга ётқизилган. ИИБ унинг онасини қидирмоқда.