7 февраль куни Қозоғистон Президенти Нурсултон Назарбоев Қирғизистон Президенти Сооронбой Жээнбеков билан телефон орқали суҳбатлашди. Бу ҳақда Оқ ўрда сайтида хабар қилинди.
Президентлар икки томонлама ҳамкорликнинг жорий ҳолати ва истиқболларини, шунингдек, иккала мамлакатнинг Евроосиё иқтисодий иттифоқи доирасидаги ўзаро ҳамкорлигини муҳокама қилишган.
«Давлат раҳбарлари минтақавий ва халқаро кун тартибининг долзарб масалалари бўйича фикр алмашишди ва келгуси учрашувларнинг жадвалини кўриб чиқишди», – дейилади хабарда.