Миграция қонунчилигини бузганликда айбланиб¸ бир неча ойдан бери вақтинчалик сақлаш марказида ушланган "Новая газета" журналисти Али Феруз Россияни тарк этди.
Али Феруз Москва аэропортидан Германияга учиб кетиши билан "Новая газета" журналистни қўллаб-қувватлаган жамоатчиликка миннатдорчилик билдирди.
Ўтган ҳафта Москва шаҳар Басманний туман суди Али Ферузнинг учинчи давлатга чиқиб кетишига рухсат берди.
Асл исми Худоберди Нурматов ўтган йил августида Москвада қўлга олинган эди.
Али Феруз Ўзбекистонга депортация қилинган тақдирда ўзини террор гуруҳларига алоқадорликда айблаб¸ қийноққа солишлари¸ ҳатто ўлдириб юборишларини идда қилган.
Унинг бир неча йил давомида Россиядан қочқин мақомини олиш уринишлари самара бермади.