Украина пойтахти Киевда бир неча минг одам президент Петро Порошенко истеъфосини талаб қилиб 18 февралда намойиш ўтказди.
Норозилик намойиши 12 февралда Украинадан Польшага депортация қилинган мухолифатчи Михаил Саакашвили ва унинг тарафдорлари томонидан уюштирилди.Норозилар Порошенкони коррупцияда айбламоқдалар.
Расмийларга кўра, намойишда 2500 одам иштирок этди. Айни пайтда намойиш пайтида тартибни сақлаш учун 3000 полициячи жалб қилинди. AFP агентлиги эса намойишда 10 минг киши иштирок этганини билдирмоқда.
Порошкенко Грузизиянинг собиқ президенти Михаил Саакашвилини 2015 йилда Одесса вилояти губернатори лавозимига тайинлаган эди. Бироқ Саакашвили бир ярим йилдан сўнг Порошенкони коррупцияда айблаб, истеъфо берган эди.