Uber ширкати одам ўлими муносабати билан АҚШнинг барча шаҳарларида ҳайдовчсисиз бошқариладиган автомобиллар синовини тўхтатганини эълон қилди.
Душанба куни Аризона штатининг Темп шаҳрида синовдан ўтказилаётган ҳайдовчисиз бошқариладиган автомашина йўлни кесиб ўтаётган бир аёлни босиб кетган эди.
Ширкат бу воқеани тергов қилишда полиция билан ҳамкорликка тайёр эканини билдирди.
Ўтган йили Uber ширкати Аризонада Volvo йўлтанламас автомашинаси ағдарилиб кетганидан сўнг синовларни тўхтатишга мажбур бўлганди.
Бундан аввал ҳам бошқа ширкатлар томонидан ишлаб чиқарилган ҳайдовчисиз бошқариладиган автомашиналар синов пайтида ҳалокатга учраган. Масалан, Google корпорациясининг машинаси 2016 йилда автобус билан тўқнашиб кетган. Бахтли тасодиф туфайли тўқнашувда одамлар жабрланмаган.
Ҳайдовчисиз автомашиналарни ўйлаб топиш иши билан Uber ва Googleдан ташқари Apple ва Tesla ширкатлари ҳам шуғулланади.