Ўтган йили Ўзбекистон томонидан 4940 нафар чегарабузар қўлга олинган. 32 миллиард сўмлик контрабанда маҳсулотлари, 1 миллион 880 минг доллар ва бошқа давлатлар валюталари, 48 кило 971 грамм гиёҳванд модда ва 285 дона қурол ушлаб қолинди.
“Газета уз” нашрининг Давлат хавфсизлик хизмати Чегара қўшинлари қўмондонининг биринчи ўринбосари генерал-майор Носирбек Усмонбековга таяниб хабар беришича, Ўзбекистон чегараларидаги назорат -ўтказиш пунктлари орқали 2017 йилда жами 22 миллиондан ортиқроқ киши ўтказилди. Чегарадан ўтганларнинг 7 миллион нафари хориж фуқароларидир.
2017 йил давомида давлат чегараларида 920 мингдан ортиқ транспорт воситаси кўрикдан ўтказилган. Уларнинг 400 мингдан кўпроғи хорижликларга тегишли автомобиллардир.