Президент Шавкат Мирзиёев 30-31 март кунлари Жиззах вилоятига сафар қилди.
Президент матбуот хизматининг хабар қилишича, сафари давомида президент бу вилоятда янги саноат корхоналарини қуриш, қишлоқ хўжалигини ривожлантириш, пахта майдонларини қисқартириб, ўрнига мева-сабзавот экиш, маҳсулотни сақлаш ва қайта ишлашга мўлжалланган корхоналар қуриш лойиҳалари билан танишган.
Шунингдек, вилоятда аҳолини тоза ичимлик суви билан таъминлашни яхшилаш бўйича чора-тадбирлар белгилади ва Зафаробод туманидаги сув омборининг қурилиш жараёни билан танишди.
30 март куни эса президент вилоятнинг “Манас” қишлоғидаги маданият саройида халқ депутатлари Жиззах вилояти Кенгашининг навбатдан ташқари сессиясида қатнашиб, нутқ сўзлади.
Сессияда ташкилий масала кўрилиб, шу пайтгача вилоят ҳокими вазифасини бажариб келаётган Эргаш Солиев Мирзиёев тавсияси билан Жиззах вилояти ҳокими этиб сайланди.