Европа Иттифоқининг ташқи сиëсат бўйича бош мулозими Федерика Могерини Эронни ядровий қурол яратиш фикридан қайтариш мақсадида Теҳрон билан тузилган халқаро келишув амалда самарали ишлаëтганини билдирди.
Бу баëнот Франция ва АҚШ президентларининг Оқ уй учрашувида Эрон ядровий дастури бўйича янги келишув лозимлиги ҳақидаги гапларга жавобан қилинди.
- Франция президенти Макрон¸ қолаверса¸ европаликларнинг гапидан ҳозирча ягона бўлган бу келишувнинг амалда ишлаëтгани ва Эроннинг ядро қуролига эга бўлишига йўл қўймаëтгани очиқ кўриниб турибди. Бу келишувни синчковлик билан ўқиган одам унинг бошланишидаëқ Эрон ядро қуролига эга бўлмайди¸ деб ëзилганини кўради. Президент Макрон кеча Оқ уйда бу келишувнинг тўла ижро этилиши Европа хавфсизлиги учун ўта муҳимлигини айтди ва европаликлар шу гапда туради¸ деди Могерини 25 апрель куни Брюсселда қилган баëнотида.
АҚШ¸ Британия¸ Франция¸ Россия¸ Хитой ва Германия 2015 йили Эрон билан Теҳрон ядровий дастурига оид келишув имзолаган эди. Шартномага мувофиқ¸ ядро қуролига эга бўлиш фикридан воз кечиши эвазига Эронга нисбатан жорий этилган Ғарб санкциялари бекор қилинган эди.
Аммо АҚШ президенти Трамп келишувга қўшилган Европа давлатларига келишувдаги “даҳшатли хатоликлар”ни тузатиш учун 12 май кунга қадар вақт берди. Акс ҳолда Трамп¸ АҚШнинг бу келишувдан чиқиши ва Эронга нисбатан санкцияларни қайта тиклаши билан таҳдид қилмоқда.