Қирғизистон пойтахти Бишкекда веб-камера орқали порнографик хизмат кўрсатувчи вебкам-моделлар қўлга олинди. Бу ҳақда Озодлик радиоси қирғиз хизматига ички ишлар вазирлиги матбуот котиби Адил Ўмўров маълум қилди.
Расмийнинг билдиришича, қўлга олинганлардан икки нафарига нисбатан порнографик хизмат кўрсатишни уюштириш айблови билан жиноят ишлари очилиб, ўзлари ҳибс қилинди.
Жорий йилнинг уч ойи ичида Бишкекда интернет орқали жинсий хизмат кўрсатувчи 64 аёл қўлга олинган.
Қирғизистон Жиноят кодексида жинсий хизмат кўрсатишни уюштирувчиларга нисбатан жазо чоралари қўлланилиши белгиланган. Бироқ фохишалик билан шуғулланувчиларга нисбатан жазо чоралари йўқ.
Жинсий хизмат кўрсатишни уюштирувчи қўшмачилар Жиноят кодекси асосида 5 йилгача қамалиши мумкин.