Шу йилнинг 14-20 май кунлари Урганч шаҳрида ўзбек-туркман чегарасини делимитация ва демаркация қилиш бўйича Ўзбекистон-Туркманистон ҳукумуматлараро қўшма комиссияси ишчи гуруҳларининг навбатдаги учрашуви бўлиб ўтган.
Ўзбекистон Ташқи ишлар вазирлигининг хабар қилишича, учрашувда ўзбек-туркман чегарасининг айрим участкаларида биргаликда ўтказилган топографик-геодезия дала ишларининг натижалари кўриб чиқилган ва уларни 2018 йилга мўлжалланган режа жадвали асосида давом эттириш бўйича келишувга эришилган.
Дўстона руҳда ўтказилган музокаралар якунида қўшма баённома имзоланган.