АҚШ президенти Дональд Трамп ва Россия президенти Владимир Путин ўртасидаги илк учрашув 16 июлда Финландия пойтахти Хельсинкида бўлиб ўтади. Бу ҳақда 28 июнь куни Вашингтон ва Москва бир вақтнинг ўзида эълон қилди.
АҚШ президенти Дональд Трамп Вашингтондаги матбуот анжуманида Путин билан Украина масаласида кўпроқ гаплашишини билдирди:
-Ўйлайманки, Украина ҳақида гаплашамиз, ўйлайманки, бошқа кўп нарсаларни ҳам муҳокама қиламиз. Учрашув пайтида нималар бўлишини ҳеч ким олдиндан билмайди. Лекин одамлар билан мулоқот пайтида кўп яхши воқеалар юз беради, -деди Трамп.
27 июнь куни Москвага келган АҚШ президентининг миллий хавфсизлик бўйича маслаҳатчиси Жон Болтон президент Путин билан учрашиб, олий даражали учрашувининг аниқ куни ва жойи борасида келишиб олингани, саммитининг аниқ куни ва манзили жамоатчиликка 28 июнь куни эълон қилининшини билдирган эди.