Coca-Cola Ichimligi Uzbekiston Ltd ширкатига стартегик инвесторларни топишга Европа тикланиш ва тараққиёт банки (ЕТТБ) ёрдам берадиган бўлди.
Бу борадаги келишувга Европа тикланиш ва тараққиёт банки, АҚШнинг The Coca-Cola Company ва Туркиянинг Coca-Cola İçecek ширкатлари вакиллари билан Молия вазирлигида ўтган музокаралар пайтида эришилди.
Вазирлик матбуот хизматининг билдиришича, бугунги кунда Coca-Cola Ichimligi Uzbekiston Ltd акцияларининг 57,1 фоизи «Ўзбекозиқовқатхолдинг» давлат холдинг компаниясига, 42,9 фоизи эса The Coca-Cola Export Corporation’га тегишли. Қўшма корхона Тошкент, Наманган ва Урганч шаҳрида жойлашган учта заводга эгалик қилади.
ЕТТБ 1992 йилдан 2010 йилгача бўлган даврда Ўзбекистондаги 54 лойиҳага 894 миллион евро сармоя киритган.