Reuters агентлигининг терговга яқин Болгария мулозимига таяниб билдиришича¸ тележурналист Виктория Мариновани ваҳшийларча ўлдирганликда гумонланаëтган шахс қўлга олинган.
Болгария миллий радиоси Ички ишлар вазирлигига таяниб¸ қўлга олинган шахснинг Молдова паспортига эга руминиялик эканини билдирди.
6 октябрь куни Русе шаҳрида 30 яшар тележурналистнинг жонсиз танаси топилди. Полиция¸ Маринованинг ўлдирилишдан олдин зўрлангани¸ бошига урилгани ва бўғиб ўлдирилганини билдирди.
Тергов қотилликнинг Маринованинг касбий фаолияти билан қанчалик боғлиқ эканини ҳам ўрганмоқда.
Ҳозирча Ички ишлар вазирлиги ҳибсга олинган шахс ҳақида расмий маълумот бермади.
Бир неча ой олдин “Детектор” деб аталган суриштирув дастурига бошловчилик қила бошлаган Маринованинг энг сўнгги кўрсатуви ЕИ маблағларини ноқонуний сарфлаган хусусий компаниялардаги коррупцияга бағишланган.
ЕИ давлатида яна бир журналистнинг ўлдириб кетилиши ҳам Болгария ичкариси¸ ҳам халқаро майдонда жиддий хавотирларга сабаб бўлди.