Венгрия ҳукумати Македониянинг собиқ бош вазири Никола Груевский сиёсий бошпана сўраганини тасдиқлади.
Венгрия бош вазири Виктор Орбан маъмурияти 14 ноябрда ёзма баёнот тарқатиб, «ҳукумат бошқа суверен давлатнинг ички ишларига аралашишни истамаслиги»ни, бироқ Груевский 10 йил давомида бош вазир бўлгани учун унинг сиёсий бошпана тўғрисидаги аризасини кўриб чиқишга қарор қилинганини билдирди.
Македония бош вазири Зоран Заев Венгриядан Никола Груевскийни экстрадиция қилишни талаб этмоқда.
Македония полицияси 12 ноябрда коррупцияда айбланиб, икки йил қамоқ жазосига ҳукм қилинган Груевскийни қидирувга берган эди.
2006-2016 йилларда Македония бош вазири лавозимида ишлаган 48 ёшли Груевский 13 ноябрда Facebook саҳифасида Венгриядан сиёсий бошпана сўраганинини билдирган