Минглаб чехияликлар 17 ноябрда мамлакат бош вазири Андрей Бабиш истеъфога чиқишини талаб қилиб, кўчаларга чиқди.
Норозилик намойиши 1989 йили Чехословакиядаги коммунистлар режимига барҳам берган “бахмал инқилоб”нинг 29 йиллигига тўғри келди. Бош вазир истеъфоси 13 ноябрдан бери талаб қилинмоқда.
Ўша куни Чехия ОАВ Бабишнинг ўғли Андрейнинг интервьюсини эълон қилди. Чех нашрларидаги мақолаларда иддао қилинишича, Андрей Украинанинг Россия босиб олган ҳудудига бориб келишга мажбур қилинган. Бу билан у, гўёки, Бабиш ва унинг ўғли 10 йил олдин ЕИнинг 2 миллион евролик (2,27 миллион доллар) субсидиясини ноқонуний олганига оид жиноий иш тергов қилинаётганига халақит бермоқчи бўлган.
Асли миллиардер бўлган Бабиш ҳеч қандай хато иш қилмаганини ва шу сабабли истеъфога чиқмаслигини айтди. Даъво қилишича, ўғлининг эс-ҳуши жойида эмас ва у мамлакатдан ўз ихтиёри билан чиқиб кетган ҳамда Чехия разведкаси ва яна бир чет эл разведка хизмати уни лавозимидан четлатиш учун “кампания” бошлаган бўлиши мумкин.