Таниқли филантроп ва миллиардер Жорж Сорос томонидан асос солинган Венгриядаги Марказий Европа университети бош қароргоҳини Будапештдан Австрия пойтахти Венага кўчиришга мажбур бўлди.
-Биз Венгрия ҳукуматининг босими остида АҚШда рўйхатдан ўтган ташкилотимизни Венага кўчиришга мажбур бўлдик. Бу мисли кўрилмаган воқеа бўлди. АҚШ ташкилоти НАТОнинг иттифоқчиси бўлган давлат ҳудудидан қувилди,- деди университет ректори Майкл Игнатьев 3 декабрь куни.
Мазкур университетга 1991 йилда Жорж Сорос асос солган ва университет Нью-Йоркда расмий рўйхатдан ўтказилган.
Венгрияда 2017 йилда қабул қилинган янги қонунга асосан хорижда рўйхатга олинган таълим муассаслари Венгрия ҳукумати билан давлатлараро шартнома имзолаши шарт. Бироқ Марказий Европа университети ва Венгрия ҳукумати бу борада муросага кела олган эмас.