Россиянинг Перм ўлкаси Соликамск шаҳридаги калий қазиб олиш конида 22 декабрь куни 340 метр ер остида чиққан ёнғин оқибатида 9 нафар одам ҳалок бўлди. Перм губернатори Максим Решетников 24 декабрни мотам куни деб эълон қилди.
Расмий маълумотда айтилишича, ер остида ёнғин чангалида қолган одамлар конда техник таъмирлаш ишларини олиб бораётган “Управления строительства-30” ширкатининг ишчилари бўлган.
Ёнғин юз берган пайтда конда 17 одам бўлган. Улардан 8 нафари ер устига чиқишга улгурган.
-Ширкат ҳисобидан ҳар бир ҳалок бўлган ишчининг оиласига 2 миллион рублдан тезкор ёрдам кўрсатилади,-деди ширкат раҳбари Андрей Максимов.
Қутқарувчилар ҳалок бўлганларнинг жасадларини 23 декабрь куни топишга муваффақ бўлганлар.