24-25 декабрь кунлари жаҳон насронийлари Исо Масиҳ мавлуд кунини нишонламоқда.
24 декабрь куни Ватикандаги Муқаддас Петр черковида қилган Мавлуд ибодатида Рим папаси Франсиз тараққий қилган дунë аҳолисини моддиятчиликни камайтириб¸ оддийроқ яшашга чақирди.
Жаҳонда бой ва камбағаллар ўртасидаги жарликнинг чуқурлашиб бораëтганини қоралаган 82 яшар католиклар олий руҳонийси таъкидича¸ Исо Масиҳнинг камбағалликда туғилиб-ўсгани ҳаëтнинг моддиятчиликдан бошқа моҳиятга эгалигини намоëн қилади.
Исонинг туғилиши¸ Рим папасига кўра¸ инсонларга фақат еб-ичмоқ ва моддий бойлик тўплаш эмас¸ балки ўзида борини бошқалар билан бўлашмоқ ва бошқаларга бермоқлик билан яшаш йўлини кўрсатган.
- Келинглар¸ ўзимиздан бир сўраб кўрайлик : бизга шунча моддий нарса ва яшашнинг шундай мураккаб йўли керакми? Мен шунча ортиқча нарсаларсиз¸ буюк соддаликда яшай оламанми¸ деб сўраб кўринг ўзингиздан? деб хитоб қилди Рим папаси анъанавий Мавлуд ибодатида жумладан.