АҚШ президенти Дональд Трамп сўнгги 18 кундан бери ҳукумат фаолиятининг қисман тўхтатилишига сабаб бўлган Мексика билан чегара масаласида телевидение орқали халққа мурожаат қилиши кутилмоқда.
-Мен президент бугун кечқурун Америка халқига қиладиган мурожаатида жанубий чегарамизда гуманитар ва хавфсизлик масаласида инқироз юзага келганини айтади, деб умид қиламан. Ҳар ойда бу чегара орқали 60 минг одам мамлакатимизга ноқонуний кириб келишга ҳаракат қилмоқда,-деди АҚШ вице-президенти Майк Пенс.
Ўтган йилнинг 26 декабрида АҚШ президенти Дональд Трамп ўзининг Мексика билан чегарага девор қуриш лойиҳасига давлат бюджетидан пул ажратилмагунига қадар ҳукумат фаолияти қайта тикланмаслигини эълон қилди.
Президент девор қуриш учун деярли 6 миллиард доллар сўраган, бироқ Конгресс бундан бош тортган, оқибатда бюджет тасдиқланмай қолиб ҳукумат фаолияти 22 декабрдан қисман тўхтатилган эди.