Россия расмийлари Қрим ярим оролида Танзания байроғи остидаги иккита тижорат кемасида чиққан ёнғинда камида 14 нафар денгизчи ҳалок бўлганини билдирди.
21 январь куни тарқатилган хабарда айтилишича, ёнаётган кемалардан 12 нафар денгизчи қутқариб олинган. Ҳозрча яна 5 нафар одамнинг тақдири номаълум бўлиб турибди.
Расмий маълумотда билдирилишича, Керчь бўғозида бир кема иккинчи кемага ёнилғи қуяётган пайтда ёнғин юз берган. Ёнаётган икки кемада жами 31 денгизчи бўлган. Улар Туркия ва Ҳиндистон фуқаролари экани айтилмоқда.