Вазирлар Маҳкамаси 2019 йилнинг охиригача цирк залининг томошабинлар билан тўлиш даражасини камида 60 фоизга ва 2022 йилга бориб 75 фоизга етказиш тўғрисида кўрсатма берди.
Ҳукуматнинг“Ўзбек давлат цирки” давлат муассасаси фаолиятини қўллаб-қувватлаш чора-тадбирлари тўғрисидаги қарорида айтилишича, цирк залини томошабин билан тўлдириш билан бир қаторда 2020 йилгача цирк томошалари сонини камида 500 тагача, 2022 йилгача эса 1000 тагача етказиш ҳам назарда тутилган.
Бундан ташқари 2019 йил 1 апрелгача “Ўзбек давлат цирки” инвесторга берилиши лозим.
Қарорга асосан Самарқанд, Фарғона ва Хива шаҳарларида 500-700 ўринга мўлжалланган цирклар ташкил этилади. Бу циркларда Франциянинг “Cirque du Soleil”, Хитойнинг “Чанг Лонг” халқаро цирки, Россиянинг “Москва цирки”, “Москва катта цирки”ларининг гастролларини ташкил этиш белгилаб берилди.
Қарорда 2021 йилдан Тошкент шаҳрида ҳар икки йилда бир марта Халқаро цирк санъати фестивали ўтказилиши ҳам айтилган.
2019 йилда ўзбек циркига 105 йил тўлиши муносабати билан “Ўзбек давлат цирки” номли китоб-альбом нашр этилади.