Бирлашган Араб Амирликларида футбол бўйича Осиё Кубоги давом этмоқда.
28 январь куни Япония ва Эрон ярим финалнинг биринчи учрашувини ўтказди. Япония Эронни 3:0 ҳисобида енгиб, финалга чиққан биринчи жамоа бўлди.
29 январь куни ярим финалнинг иккинчи ўйинида Қатар ва Бирлашган Араб Амирликлари футболчилари майдонга тушади. Мазкур ўйин ғолиби биринчи ўрин - Осиё чемпиони унвони учун 1 февралда Япония билан беллашади.
21 январь куни Осиё Кубогининг 1/8 финалида Ўзбекистон терма жамоаси Австралияга 4:2 ҳисобида ютқазиб, Осиё Кубогини тарк этган.
F гуруҳида ўйнаган Ўзбекистон футболчилари 13 январда Туркманистонни 4:0 ҳисобида, 9 январда Уммон жамоасини 2:1 ҳисобида мағлуб этган, 17 январда Японияга 2:1 ҳисобида ютқазган ва гуруҳ босқичида Япониядан кейинги 2-ўринни эгаллаб, плей-оффга чиққан эди.
Осиё Кубоги 5 январдан 1 февралга қадар Абу-Даби, Дубай, Ал-Айн, Шаржа шаҳарларида бўлиб ўтади.