Юқори лавозимли БМТ расмийсининг айтишича, 2015 йили имзоланган Минск битимига амал қилинишига эришишга ҳамда Украина шарқида тинчлик ўрнатишга қаратилган уринишлар ўз кучини йўқотиб бормоқда.
12 февраль куни БМТ Хавфсизлик кенгашида сўзга чиққан БМТ бош котиби ўринбосари Мирослав Енча на Россия, на Украина кейинги қадамлар бўйича келишувга эришишга ҳозир эканлигини айтди.
Россия 2014 йили Украинанинг Қрим минтақасини аннексия қилиб олган пайтда бошланган конфликт 10 мингдан ортиқ одам умрига зомин бўлди, 1 миллиондан ортиқ одамни ўз уйини тарк этишга мажбурлади. Мамлакат шарқида бир тарафдан Украина ҳукумати, иккинчи тарафдан россияпараст айирмачилар тўқнашиб келади.
Минск келишувларида тўқнашувларни тугатиш учун кўрилиши керак сиёсий чоралар, жумладан, сайловлар кўрсатилган. Аммо Россия ва Украина бир-бирини келишув шартларини бузишда айблаб, уларга тўлиқ амал қилмай келади.
Минск музокараларида АҚШ тўғридан-тўғри иштирок этмади. Шундай бўлса-да, Вашингтон можарога барҳам беришда кўмаклашиш учун махсус вакил тайинлаган.