Ўзбекистон ҳукумати Pepsi, Zip, 7up, Adrenaline Rush, Lipton ва Miranda брендлари остида маҳсулот ишлаб чиқарувчи International Beverages Tashkent ширкатидаги ўз улушини сотишга қарор қилди.
Spot нашрининг Давлат статистика қўмитасига таяниб билдиришича, ҳукумат мазкур заводнинг 24 фоиз акциясига эгалик қилади. Қолган 76 фоиз акция эса Holten Group Corp ширкатига тегишли.
International Beverages Tashkent ширкати 2011 йилда ташкил этилган эди.
Аввалроқ ҳукумат Coca-Cola'даги давлат улушини ҳам сотишга қарор қилганди.
"Ўтган йили Молия вазирлигида Европа Тикланиш ва тараққиёт банки, The Coca-Cola Company (АҚШ) ва Coca-Cola İçecek (Туркия) вакиллари билан музокаралар ўтказилганди. ЕТТБ стратегик инвестор жалб этиш масаласи ҳал этилгач, келишувни расмийлаштиришга кўмак беради", дейилади хабарда.