Суриядан АҚШ ҳарбийлари олиб чиқилганидан сўнг бу мамлакатда америкалик 200 ҳарбийдан иборат “тинчлик сақловчилар кичик гуруҳи” қолади. Бу ҳақда пайшанба куни Ой уй расмий вакили Сара Сандерс баёнот берди. Вакилнинг сўзларига кўра, бу қадам Сурияда “тинчлик ҳимояси” учун керак.
АҚШ президенти Трампнинг қарори тўғрисида унинг Туркия президенти Эрдўғон билан телефон сўзлашувидан сўнг маълум бўлди. АҚШнинг бу қадами Вашингтоннинг Халқаро коалиция бўйича Европадаги иттифоқчиларига ҳам Сурияда “хавфсиз ҳудуд” аталмиш ҳудудларни тузиш жараёнини кузатиш учун можаро зонасида юзлаб ҳарбийларни қолдириш имконини беради.
Ҳозирча АҚШнинг 200 ҳарбийлик гуруҳи Сурияда қанча муддатга қолиши, улар қаерда жойлаштирилиши номаълум.
Айни дамда Ироқда АҚШнинг тақрибан 5200 нафар ҳарбийси бўлиб, улар Ироқ хавфсизлик кучларига кўмаклашиб келади.
Декабрь ойида Трамп кутилмаганда Суриядаги 2 минг АҚШ аскарини олиб чиқиб кетишини эълон қилган эди.