Саудия Арабистони тарихда биринчи марта АҚШга аёл кишини элчи қилиб тайинлади.
Расмий билдирувда айтилишича, қирол оиласи аъзоси Рима бинт Бандар бин Султан бин Абдул Азиз ал-Сауд Вашингтонда элчилик лавозимини бажаради. Уни бу вазифага тайинлаш тўғрисидаги фармонни Саудия Арабистони қироли имзолади.
Саудия Арабистонининг АҚШдаги аввалги элчиси, қиролнинг катта ўғли Ҳолид бин Салмон хавфсизлик вазирининг ўринбосари этиб тайинланди. У 2017 йилнинг 7 апрелидан АҚШдаги элчи сифатида ишлаб келаётганди.
AFP агентлигининг билдиришича, аёл қишининг Вашингтонгга элчи сифатида жўнатилиши Саудия ва АҚШ ўртасида журналист Жамол Хашоггининг Истанбулдаги Саудия консулхонасида ўтган йили ўлдирилиши ортидан юзага келган тарангликни юмшатиш мақсадида амалга оширилган.
Рима бинт Бандар бин Султан бин Абдул Азиз ал-Сауд бунга қадар Саудия Бош спорт бошқармаси раиси бўлган. У аёлларни спортга жалб қилинишини қўллаб-қувватлаган ва аёллар ҳуқуқини таъминлаш йўналишида қатор ишларни амалга оширган.