Қирғиз ҳукумати томонидан миллатлараро низо қўзғашда айбланган журналист Улуғбек Бобоқулов Франциядан сиëсий бошпана олди.
Россияда жойлашган Фарғона.ру агентлиги мухбири Улуғбек Бобоқулов 25 февраль куни Франция расмий идораларидан ўзига бошпана берилганини тасдиқловчи ҳужжат олганини билдирди.
Журналистга кўра¸ Франциядаги қочқинлик мақоми 10 йил муддатга берилган ва шу давр ичида унинг Қирғизитонга боришига рухсат этилмайди.
2017 йил июнида Қирғизистондан чиқиб кетган журналист¸ ўзига қўйилган айбларни “ақлдан озиш” деб баҳолаган.
Бобоқуловнинг айрим депутатлар томонидан “халқ душмани”га чиқарилишига унинг Фарғона.ру нашрида 2017 йил май ойида чоп этилган мақоласи асос бўлди.
Ўз мақоласида Бобоқулов¸ ўзбек ва қирғизлар ўртасида чиққан жанжал муносабати билан ижтимоий тармоқларда Қирғизистондаги миллий озчилик¸ хусусан¸ ўзбекларга нисбатан кескин ҳақоратлар билдирилаëтганига эътибор қаратган ва махсус хизматларни бунга панжа орасидан қараëтганликда айблаган эди.
2010 йил июнида Қирғизистон жанубида юзага чиққан миллий низо оқибатида 450 дан ошиқ одам ўлдирилган ва уларнинг аксари ўзбеклар эди.