Ўтган ойда Россиядан "ўғирлаб кетилгани боис" Душанбега бориб қолганини иддао қилган Тожикистон мухолифати фаолларидан бири Европада пайдо бўлди.
Шарофиддин Гадоев 2 март куни Тожикистон мухолифатининг Фейсбукдаги аккаунтидан жонли чиқиш қилиб, унинг иши бўйича хавотир билдирган “барча ташкилот ва мамлакатлар”га миннатдорлик билдирди.
‒ Эҳтимол, тафсилотларларни... бир неча соатдан сўнг маълум қиларман, ‒ деди Гадоев тақиқланган Тоджикистон Ислом уйғониш партияси раҳбари Муҳиддин Кабирийнинг ёнида туриб.
“24-гуруҳ” мухолифат гуруҳи аъзоси бўлган Гадоев яқинда Тожикистонда пайдо бўлган ва бунинг сабабини у Россияга сафари вақтида ўғирлаб кетилгани билан изоҳлаган эди.
Унга қадар эса фаол Тожикистонни ташлаб чиққан ва сиёсий бошпана олиб, Нидерландияда яшаётган эди.